是咁的，上年年尾我咪屎忽痕走左去apply公司另一個但無錢收無人工加嘅role嘅？我拎到個Europ...

是咁的，上年年尾我咪屎忽痕走左去apply公司另一個但無錢收無人工加嘅role嘅？我拎到個Europe Lead，我諗住好叻仔啦係咪先？雖然無人工，但總算係有個機會一展所長，亦都可以學到新嘅野，咁就算辛苦啲都抵嘅。

早幾日終於開會，見下其他地區嗰三個Lead啦，開頭都冇乜野，直到開第二次會: 嗰三個Leads根本唔係咩善男信女，雖然佢地同我一樣都係「義工」，但佢地問問題同埋俾嘅建議，根本係另一個高度同角度，就連真係收錢做呢個project嘅同事都唔夠佢地砌。

咁我覺得有啲唔對路啦，即刻check 返佢地個Title...

亞洲個lead 係Head of bla bla bla
美洲個lead係Head of bla bla bla
非洲個lead呢？都係Head of bla bla bla...

即係我自己越級挑戰呢個role係做高一級嘅工作，而其他人係降一級根本手到拿來，去到一個程度係我覺得因為佢地嘅存在，所以呢個role已經無限量接近「升兩級」的難度 😂😂😂 佢地拎呢個role好明顯係戰略原因可以捕捉先機，而我... 係諗住黎學野... 😂😂😂

好彩嘅係大家都好客氣，都係想做好件事，亦都好肯幫我/教我呢個吊車尾... 我同佢地開會，真係獲益良多... 情況就好似一班Lv99帶住個Lv30，然後周圍痛毆啲Lv60嘅怪物咁... 我真係坐喺度啲經驗值都叮叮叮咁樣升上去 😂😂😂

#點都好啦
#跟大家的步伐係有點辛苦
#都唔敢期望自己有咩大輸出
#跟下跟下學下學下係好事黎嘅
#最多咪勤力啲囉
#即係好似考會計咁
#條數bal唔到錯L晒係唔緊要
#拎Step分才是正經 😂😂😂

---